Китмә миннән

Ак кэр ява, ап-ак сагыш ява,
Йөрәгемә кунып кар яна.
Ник без аерым? Ярыбызны эзләп
Килдек бит без якты дөньяга.

Җаннарымны ап-ак сагыш сара,
Юлларымны күмә ак буран,
"Китмә!" — дигән синең хәбәрме бу?
Сөюләрең әллә хак булган..,

Яңа елга кердем ялгыз гына,
Арабызда ап-ак кыш кына.
"Китмә миннән, эзләп тапкан ярым!.."—
Өзелеп-өзелеп йөрәк кычкыра.

Сагышларым бураннарга салдым,
"Китәр юлларыма ят!" — дидем.
Ап-ак буран җаннарыңны урар,
Сөюләрем сине хак минем.

Ваша оценка: Нет Рейтинг: 8.6 (5 голосов)
« »