Җилләргә

Сагыштан саргайганнарга
Кайгырып көн-төннәрен.
Илтегез, җитез җилләрем.
Хуш исләрен гөлләрнең.

Назлап йомшак иркәләнә,
Сомгыл каен җилләргә.
Серләрен сөйлимен җилләргә —
Илтегез чит илләргә.

Шыбырлауын камышларның,
Сандугач тавышларын.
Гашыйкларның кавышканын,
Мәхәббәт сагышларын.

Назлап йомшак иркәләнә,
Сомгыл каен җилләргә.
Серләрен чишә җилләр дә —
Җиләләр чит илләргә.

Юлларыгыз ишле булсын,
Изге уйлар, җилләрем.
Чук каеннар сезне көтәр
Саный — саный көннәрен.

Назлап йомшак иркәләнә,
Сомгыл каен җилләргә.
Серләрен чишә җилләр дә —
Җиләләр чит илләргә.

Ваша оценка: Нет Рейтинг: 7 (1 голос)
Бу җыр репертуарында бар
« »