Илче бага

Атлар җиктем мин чанасыз,
Чыгып киттем чарасыз.
Күрер күзгә зур да түгел,
Чибәрлеккә чамасыз.

Һай, һилеләү, һилеләү, һилеләү,
Һай, һилеләү, һилеләйләү.

Алма бөреле, алма бөреле,
Алма чәчәге төрле.
Башкаларга күз дә салмыйм,
Аны күргәннән бирле.

Һай, һилеләү, һилеләү, һилеләү,
Һай, һилеләү, һилеләйләү.

Алма турыйм, алма турыйм,
Алманың түгәрәген.
Хәзер мин ни уйлыйм микән?
Мәхәббәт күбәләгем.

Һай, һилеләү, һилеләү, һилеләү,
Һай, һилеләү, һилеләйләү.

Алма сатучылар килгән
Үлчәүләре бар микән?
Әҗәлгә дару бар, диләр,
Мәхәббәткә бар микән?

Һай, һилеләү, һилеләү, һилеләү,
Һай, һилеләү, һилеләйләү.

Ваша оценка: Нет Рейтинг: 9 (5 голосов)
Бу җыр репертуарында бар « »