Гомерләрең мизгелләрдән торсын

Категория: көе сүзләре

Уйларың ак, рухың ныклы булсын,
Гомер йомгакларын сүтәрлек.
Хыялларың булсын ак каяга,
Төшләреңдә алып менәрлек.

Каршыласын, атар таңнар булып,
Киләчәген җәеп кочагын.
Үзеңнән соң калсын кешеләргә,
Үт алырга кайнар учагың.

Балаларың-кошчыкларың белән,
Яәшәешең нурдай балкысын.
Җылынырлык учак итеп сакла,
Пычкып янган өмет чаткысын.

Җәең ямьле, язың назлы булсын,
Ак кышларың — карлы, буранлы.
Киләчәккә ышанычым булсын,
Озын булсын юлның узганы.

Гомерләрең мизгелләрдән торсын,
Үткәннәрең булсын җыраулы.
Учларында җылытучы булсын
Чәчләреңә яткан кырауны.

Йөрәгеңдә яшәр серең булсын —
Максатларга канат куючы.
Янәшәңдә сөйгән ярың булсын —
Гомер юлын бергә узучы.

Ваша оценка: Нет Рейтинг: 9.6 (7 голосов)
Бу җыр репертуарында бар
« »