Күкне каплап алган кара болыт,
Җирдә салкын томан, җил-явым.
Баш очында кояш балкыр әле,
Могҗизага килә ышанасым.
Күңел күкләрендә сагыш йөзә,
Сүнәр — сүнмәс яна учагым.
Учакларым дөрләп янар әле,
Могҗизага килә ышанасым.
Югалдылар якты хыялларым,
Күпме сүнеп, күпме токанды.
Югалганым бер табылыр әле,
Могҗизага килә ышанасым.
Бу җыр Вахит Хызыров репертуарында бар
Добавлено Almaz в ПТ, 22/02/2013 - 11:57
«
»