Без — татарлар

Категория: көе сүзләре

Безнең татар — җырлы-моңлы халык,
Җыр-моң сеңгән безнең каннарга.
Җәлилләрең дарга барганда да,
Онытмаган соңгы дога итеп
Иң-иң моңлы җырын җырларга.

Без, татарлар — җырлы-моңлы халык,
Эшчән халык, диндар-иманлы.
Без Тукайлы халык, без Сәйдәшле,
Фәридәле халык, Илһамлы.
Без Дәрдмәндле халык, Кол Галиле,
Без Хәйдәрле халык, Зөһрәле.
Батыршалы халык, Канзафарлы,
Минтимерле халык, Җәлилле!

Кайда юк соң безнең татар моңы,
Татарлар юк-кайсы тарафта?!
Татар яши ерак Америка,
Австралия, Алман, Фин илендә,
Япония, ерак Кытайда…

Без, татарлар — җырлы-моңлы халык,
Эшчән халык, диндар-иманлы.
Без Тукайлы халык, без Сәйдәшле,
Фәридәле халык, Илһамлы.
Без Дәрдмәндле халык, Кол Галиле,
Без Хәйдәрле халык, Зөһрәле.
Батыршалы халык, Канзафарлы,
Минтимерле халык, Җәлилле!

Без бит — татар, моңлы карурманлы,
Әллүкиле, бөек халык без.
Зур табында, дәртле сабантуйда,
Көрәшләрдә, сугыш-алышларда
Без бит җыр-моң белән көчлебез!

Без, татарлар — җырлы-моңлы халык,
Эшчән халык, диндар-иманлы.
Без Тукайлы халык, без Сәйдәшле,
Фәридәле халык, Илһамлы.
Без Дәрдмәндле халык, Кол Галиле,
Без Хәйдәрле халык, Зөһрәле.
Батыршалы халык, Канзафарлы,
Минтимерле халык, Җәлилле!

Алтын Урда, Болгар илләренең
Ташларында җырлар язылган.
Манарадан яңгырый моңлы азан,
Җырлап-гөрләп яши нурлы Казан,
Моңнар бишеге — Татарстан!

Без, татарлар — җырлы-моңлы халык,
Эшчән халык, диндар-иманлы.
Без Тукайлы халык, без Сәйдәшле,
Фәридәле халык, Илһамлы.
Без Дәрдмәндле халык, Кол Галиле,
Без Хәйдәрле халык, Зөһрәле.
Батыршалы халык, Канзафарлы,
Минтимерле халык, Җәлилле!

Ваша оценка: Нет Рейтинг: 10 (5 голосов)
Бу җыр репертуарында бар « »