Сөю генә кала йөрәкләрдә

Бүләк итмим сиңа йолдызларны,
Таңнар аткач алар югала.
Вәгъдә итмим сиңа әллә ниләр,
Сүзләр дә бит бер мәл онытыла.

Сөю генә кала йөрәкләрдә,
Нурлар булып балкый онтылмый.
Соңгы сулышкача истән чыкмый,
Еллар шаукымында җуелмый.

Бүләк итмим сиңа алсу гөлләр
Көзләр җиткәч алар шиңәләр.
Хисләр генә сулмый йөрәкләрдә
Вакытны да хәтта җиңәләр.

Сөю генә кала йөрәкләрдә,
Нурлар булып балкый онтылмый.
Соңгы сулышкача истән чыкмый,
Еллар шаукымында җуелмый.

Бүләк итмим сиңа киң дәрялар
Алар да бит комда югала.
Хисләр генә йөрәк типкән чакта,
Мәңгелеккә табан юл ала.

Сөю генә кала йөрәкләрдә,
Нурлар булып балкый онтылмый.
Соңгы сулышкача истән чыкмый,
Еллар шаукымында җуелмый.

Голосов пока нет
Бу җыр репертуарында бар « »