Без солдатлар

Категория: көе сүзләре

Гүзәл илем, гүзәл Ватаныма,
Ябырылса кансыз дошманнар.
Акты тамчы, изге канын түгеп
Саклап калган аны бабамнар.

Без солдатлар, безнең биргән антлар —
Ил-ватанга изге аманат.
Без чын егет, без бит бөркет,
Без чын лачын, без бит чын солдат.

Ил, Ватанга биргән изге антны,
Үтеп чыгү ул бит егетлек.
Көнне төнгә ялгап без хөзмәттә,
Дөнъяларда булсын иминлек.

Без солдатлар, безнең биргән антлар —
Ил-ватанга изге аманат.
Без чын егет, без бит бөркет,
Без чын лачын, без бит чын солдат.

Маңлайларда кызыл йолдыз яна,
Сары каеш безнең билләрдә.
Үсеп җитеп без дә салдат булдык,
Ризык булсын туган илләрдә.

Без солдатлар, безнең биргән антлар —
Ил-ватанга изге аманат.
Без чын егет, без бит бөркет,
Без чын лачын, без бит чын солдат.

Өйдә көтсен безне әткәй, әнкәй,
Тогры дуслар, сөйгән җан-ярлар.
Җырлап, гөрләп яшәү безгә язсын,
Имин-аман булып дөнъялар.

Без солдатлар, безнең биргән антлар —
Ил-ватанга изге аманат.
Без чын егет, без бит бөркет,
Без чын лачын, без бит чын солдат.

Ваша оценка: Нет Рейтинг: 9 (2 голоса)
Бу җыр репертуарында бар « »