Язмышым күгендә балкыган көнеңдә
Көтмәстән кабынган нур булып,
Гомерлек гашыйгың итәргә бик җитте
Бер минут, бары тик бер минут.
Йөрәктә ул чакта дөрләде учаклар
Кайчандыр ачылыр сер булып;
Син — мине, мин — сине аңларга бик җитте
Бер минут, бары тик бер минут.
Ул көннәр бүген дә саклана күңелдә
Җырлап та туйгысыз җыр булып;
Әйтерсең моңарчы яшәгән гомерем
Бер минут, бары тик бер минут.
Варианты песни
Бу җыр Вәкил Мурзин, Гомәр Әбделмәнов репертуарында бар
Добавлено kamilbakir в СБ, 27/07/2013 - 13:09
«
»