Бер кыз микән, бер кош микән,
Сайрый, сайрый өздереп.
Баян микән, тальян микән —
Уйный, уйный сыздырып.
И, туган як кичләре,
Онытылмас дус-ишләре.
Йолдыз якты, ай нурлырак
Туган ягым күгендә.
Туган якта җыр ишетсәң,
Моңы кала күңелдә.
И, туган як кичләре,
Онытылмас дус-ишләре.
Туган ягым, зәңгәр кичем,
Зәңгәр яшьлек елларым.
Кая китсәм, кире сиңа
Алып кайта юлларым.
И, туган як кичләре,
Онытылмас дус-ишләре.
Бу җыр Зилә Сөнгәтуллина репертуарында бар
«
»