Без түгелме авылларда
Гармуннар тартып үстек?
Үсеп ир-егетләр булгач
Авылдан чыгып киттек.
Яшьлекләр узып китсә дә,
Үкенечләр калмады.
Безнең гармунлы яшьлекләр
Җырсыз-моңсыз булмады.
Авыллар искә төшкәндә
Гармун моңнары чыңлый.
Читтә йөрегәннәр генә
Авыл кадерен аңлый.
Яшьлекләр узып китсә дә,
Үкенечләр калмады.
Безнең гармунлы яшьлекләр
Җырсыз-моңсыз булмады.
Авыллар да үзгәрделәр,
Гармуннар да уйналмый.
Егетләр дә, гармун сузып,
Урамнарны буйламый.
Яшьлекләр узып китсә дә,
Үкенечләр калмады.
Безнең гармунлы яшьлекләр
Җырсыз-моңсыз булмады.
Хәзер авылларга кайтып
Гармун уйнап үтсәктә.
Яшь вакытлар кире кайтмый
Нихәл генә итсәктә.
Яшьлекләр узып китсә дә,
Үкенечләр калмады.
Безнең гармунлы яшьлекләр
Җырсыз-моңсыз булмады.