Эх, май үтә, май үтә (Җырла-җырла)

Җырла, җырла, дип әйтсәгез,
Сезгә нинди җыр кирәк?

Ә-ә-әй, сезгә нинди җыр кирәк?
Сез дусларга җырлар өчен
Сандугач моңы кирәк.
Ә-ә-әй, сандугач моңы кирәк
Сез дусларга җырлар өчен
Сандугач моңы кирәк.

Өфе — Казан юлларының
Баганалары чыршы,

Ә-ә-әй, баганалары чыршы.
Башыгызга (башкаеңа) моңнар төшсә,
Сез дә (син дә) булырсыз (булырсың) җырчы.
Ә-ә-әй, сез дә (син дә) булырсыз (булырсың) җырчы.
Башыгызга (башкаеңа) моңнар төшсә,
Сез дә (син дә) булырсыз (булырсың) җырчы.

Безнең якта куе (кара) урман,
Карап үтәргә кирәк,

Ә-ә-әй, карап үтәргә кирәк.
Җыр белмәгән, моң сөймәгән
Безнең халыкта сирәк.
Ә-ә-әй, безнең халыкта сирәк
Җыр белмәгән, моң сөймәгән
Безнең халыкта (якларда) сирәк.

Эх, май үтә, май үтә,
Май үтә дә, җәй җитә,

Ә-ә-әй, май үтә дә, җәй җитә.
Май үткәнгә кайгырмагыз (тик кайгырмыйк),
Безнең яшь гомер үтә.
Ә-ә-әй, безнең яшь гомер үтә
Май үткәнгә кайгырмагыз (тик кайгырмыйк),
Безнең яшь гомер үтә.

Ваша оценка: Нет Рейтинг: 9 (2 голоса)
Бу җыр репертуарында бар « »