Ялгыз калу яман

Тәрәз төбендәге гөлләрем —
Сердәшем, сердәшләрем.
Әгәр мине ташлап син китсәң,
Ялгызым мин нишләрмен?

Ал яран, гөл яран,
Ялгыз калу, һай, яман.
Ал яраннар кебек мин дә
Сагыш утында янам.

Гөлләремә сулар мин сиптем,
Чәчәк атарлар инде.
Ничек түзим соң сагынуларга
Көлләргә калам инде.

Ал яран, гөл яран,
Ялгыз калу, һай, яман.
Ал яраннар кебек мин дә
Сагыш утында янам.

Яран гөлләрем кебек янып
Килә бит сөеләсем.
Синнән башка ялгызым калып,
Килми шул көенәсем.

Ал яран, гөл яран,
Ялгыз калу, һай, яман.
Ал яраннар кебек мин дә
Сагыш утында янам.

Ваша оценка: Нет Рейтинг: 9 (2 голоса)
Бу җыр репертуарында бар
« »