Чияле тау

Чияле тау юлларыннан, юлларыннан
Ярсып чаба атларым, атларым.
Берүк миңа сүз катмагыз, сүз катмагыз,
Уйлап аткан чакларым, чакларым.

Чияле тау чияләре
Күзләрне камаштыра.
Бу мәхаббәт никләр болай
Тилертә, саташтыра?

Чиялек тау чияләре, чияләре
Тәмле кызарып пешкәч тә, тәмле пешкәч.
Ни хәлләр генә итим соң, нишлим соң мин,
Күзләрем сиңа төшкәч, сиңа төшкәч?

Чияле тау чияләре
Күзләрне камаштыра.
Бу мәхаббәт никләр болай
Тилертә, саташтыра?

Чияле тау чияләрен, чияләрен
Чиләк-чиләк җыярлык, җыярлык.
Олыгайгач көлке булыр, көлке булыр
Яшь чактагы җүләрлек, җүләрлек.

Чияле тау чияләре
Күзләрне камаштыра.
Бу мәхаббәт никләр болай
Тилертә, саташтыра?

Ваша оценка: Нет Рейтинг: 10 (1 голос)
Бу җыр репертуарында бар « »