Мин сине яратмас идем (беренче вариант)

Мин сине яратмас идем,
Син аңа лаек түгел.
Тик нишлимен сине күргәч,
Уйларым аек түгел.

Башканы яратыр идем
Тик алай була алмый шул.
Үзеңә кунар былбылым
Тал сайлап алми шул.

Мин сине яратмас идем,
Яратмый түзә алсам.
Иртәгә таң атар дигән
Өметне өзә алсам.

Башканы яратыр идем
Тик алай була алмый шул.
Үзеңә кунар былбылым
Тал сайлап алми шул.

Мин сине яратмас идем,
Үземнән качып булса.
Йөрәк ишеген башкага
Мәҗбури ачып булса.

Башканы яратыр идем
Тик алай була алмый шул.
Үзеңә кунар былбылым
Тал сайлап алми шул.