Моңлану (беренче вариант)

Категория: көе сүзләре

Ямьле язлар җиткәч,
Бозлар агып киткәч,
Зәңгәр күлдә аккош кагына.
Җәйнең ал таңында,
Юксынган чагында
Очып кына килсәң, ни була?

Сәхрәләргә чыксам,
Хәйран гына калам,
Сокланамын кошлар тавышына.
Сөйгән ярың беләм,
Тигез ярың белән
Насыйп булса иде кавышырга.

Ямьле язлар җиткәч,
Бозлар агып беткәч,
Зәңгәр күлдә аккош кагына.
Әллә аккошларның
Канатларын алып,
Үзем барыйм микән яныңа?..

Ваша оценка: Нет Рейтинг: 8.2 (14 голосов)
Бу җыр репертуарында бар
« »