Без киләбез!

Без киләбез, без җиләбез…
Алда безнең бормалы юллар.
Шул юллар бит һәр чак безне
Җыр-моң булып чакырган кыллар.

"Хыялыйлар" дисә — дисеннәр,
Без килгәнне күрсен, белсеннәр.

Без киләбез, без җиләбез…
Туган җирләр нурланып кала.
Үткәннәрдән киләчәккә
Безнең буын күперләр сала.

"Хыялыйлар" дисә — дисеннәр,
Без килгәнне күрсен, белсеннәр.

Без киләбез, без җиләбез…
Юлдагылар ни генә күрмәс:
Тик йөрәктә, ни күрсәк тә,
"Дуслык" дигән учаклар сүнмәс.

"Хыялыйлар" дисә — дисеннәр,
Без килгәнне күрсен, белсеннәр.

Ваша оценка: Нет Рейтинг: 10 (1 голос)
Бу җыр репертуарында бар « »