Онытылыр сагышлар

Ярсуымны басып кырлар гиздем —
Болын чәчәкләрен өзмәдем,
Арысам да кайчак бу дөнъядан,
Мин яшәүдән барыбер бизмәдем.

Яңа көнгә кояш балкып бага,
Чәчләремне җилләр тарата…
Беләм, тормыш, җиңел түгелсең син,
Ә шулай да сине яратам!

Йөрәгемде өткән сагышымны
Бүлешергә иптәш эзләдем,
Ай кызына серләремне чиштем,
Ерак йолдызларны күзләдем.

Яңа көнгә кояш балкып бага,
Чәчләремне җилләр тарата…
Беләм, тормыш, җиңел түгелсең син,
Ә шулай да сине яратам!

Сандугачлар сайрый очып-кунып,
Таңгы җилгә шаулый камышлар,
Күз яшьләрем кибәр чык белән дә —
Онытылыр бөтен сагышлар.

Яңа көнгә кояш балкып бага,
Чәчләремне җилләр тарата…
Беләм, тормыш, җиңел түгелсең син,
Ә шулай да сине яратам!

Голосов пока нет
Бу җыр репертуарында бар
« »