Сандугачым — былбылым (икенче вариант)

Категория: көе сүзләре

Тал арасы, тал арасы,
Талда тургай баласы.
Яннарымда тыным белән
Тартып кына аласы.

Сандугачым-былбылым,
Зарыктырдың, күз нурым.
Ялгызлыктан гынадыр
Болай моңсу булуым.

Сокланасы, таң каласы —
Талларда — таң карасы.
Сагынганда яннарыңа
Очып кына барасы.

Сандугачым-былбылым,
Зарыктырдың, күз нурым (сылуым).
Ялгызлыктан гынадыр
Болай моңсу булуым.

Чуккайларның җил тарасын —
Талга яфрак ярасы,
Сагышларымнан яралды
Йөрәгемнең ярасы.

Сандугачым-былбылым,
Зарыктырдың, күз нурым.
Ялгызлыктан гынадыр
Болай моңсу булуым.

Ваша оценка: Нет Рейтинг: 10 (1 голос)
Бу җыр , репертуарында бар
« »