Яшьлегем сукмаклары (икенче вариант)

Категория: көе һәм сүзләре

Еллар узган саен һаман
Үткәннәр сагындыра.
Яшьлегебез шул елларның
Иң матур чагы гына.

Кая барсам да, исемдә
Яшьлегем сукмаклары.
Гомеремнең иң күңелле,
Иң бәхетле чаклары.

Гүзәл яшьлек аккан судай
Үтә дә китә икән.
Яшьлектәге истәлекләр
Гомергә җитә икән.

Кая барсам да, исемдә
Яшьлегем сукмаклары.
Гомеремнең иң күңелле,
Иң бәхетле чаклары.

Ямьле язлар үтсәләр дә,
Көзләре алда әле.
Йөрәк һаман унсигездә,
Гомернең матур мәле.

Кая барсам да, исемдә
Яшьлегем сукмаклары.
Гомеремнең иң күңелле,
Иң бәхетле чаклары.

Голосов пока нет
Бу җыр репертуарында бар « »