Кыйгылар

Кыеп-кыеп кына сүзне
Сөйли безнең кыйгылар.
Җырларында — былбыл моңы,
Телләрендә — "кый" гына.

Чәчәк җыйдым тугайлардан.
Син килер дип җыйдым кый.
Чакырдым кый, килмәдең кый,
Җаннарымны кыйдың кый.

Кыйгач-кыйгач кашлы була
Безнең Кыйгы кызлары.
Безнең кыйгыр егетләргә
Кыйгач кашлар тиң бары.

Кыер-кыймас сөям дигәч,
Ышандым да куйдым кый.
Чакырдым кый, килмәдең кый,
Җаннарымны кыйдың кый.

Безгә килсәң, кил елмаеп,
Кымыз сузыр җиңгәләр.
Елмайсаң, кире борып
Җибәрә дә беләләр.

Сөер-сөймәс йөрегәнеңне
Әллә кайдан тойдым кый.
Чакырдым кый, килмәдең кый,
Җаннарымны кыйдың кый.

Кыеш-мыеш сөйләп тормый,
Эшкә тисәң, кыйгылар.
Эй, ярсу да, ягымлы да
Кыйғыларда тойгылар!

Йөрәгемнең ярсуларын
Инде дә чак тыйдым кый.
Чакырдым кый, килмәдең кый,
Җаннарымны кыйдың кый.

Голосов пока нет
Бу җыр репертуарында бар « »