Күкрәгемнән кошлар очырам

Аклык, хаклык өчен көрәшчеләр!
Тәү бүләгем сезгә, карагыз:
Канатларын горур кага-кага,
Күтәрелде күккә карагош.

Вак мәшәкать, ығы-зыгы тамам,
Бар эшемнең чыктым очына.
Шуңа күрә бүген таңнан алып
Күкрәгемнән кошлар очырам.

Чыгып очты ярсу бер сандугач
Гашыйкларым, сезнең өлешкә.
Көткәннәргә — ак күгәрчен килер,
Яңа өмет өстәп өметкә.

Вак мәшәкать, ығы-зыгы тамам,
Бар эшемнең чыктым очына.
Шуңа күрә бүген таңнан алып
Күкрәгемнән кошлар очырам.

Ваша оценка: Нет Рейтинг: 10 (1 голос)
Бу җыр репертуарында бар « »