Гомерләрне Ходай бирә сынар өчен,
Кайгыларны бирәдер ул чыдар өчен,
Татысыннар диеп бердәмлекнең көчен,
Туганлыкны биргәндер ул шуның өчен.
Туганлыкның хисләренә тап төшмәсен,
Йөрәк авыр сүзләр ишетеп өшемәсен,
Кара мәче араларны һич кисмәсен,
Күңел суытырлык ачы җилләр исмәсен.
Синең белән без икебез бер туганнар,
Бер әтинең, бер әнинең балалары.
Бердәм булыйк, татулыкта бергә яшик,
Суынмасын туганлыкның аралары.
Туганлыкның хисләренә тап төшмәсен,
Йөрәк авыр сүзләр ишетеп өшемәсен,
Кара мәче араларны һич кисмәсен,
Күңел суытырлык ачы җилләр исмәсен.
Күтәрүе бергә җиңел кайгыларны,
Шатлыкны да тик бүлешкәч ул бик татлы.
Алыштыра алмый якты бу дөньяда
Беркем дә шул туган дигән бөек затны.
Туганлыкның хисләренә тап төшмәсен,
Йөрәк авыр сүзләр ишетеп өшемәсен,
Кара мәче араларны һич кисмәсен,
Күңел суытырлык ачы җилләр исмәсен.
