Алтын-көмеш

Алтын-көмеш, алтын-көмеш,
Күз чагыла — карасаң.
Алтын-көмеш кирәк түгел,
Бер-береңне аңласаң!

Алтын-көмеш, алтын-көмеш,
Саф алтын да табыла
Алтын-көмеш куеп булмый
Мәхәббәтнең сагына.

Алтын-көмеш тау булса да,
Күңелләрне җылытмый.
Бәхетлеләр яшьлектәге
Вәгъдәләрен онытмый.

Алтын-көмеш чыңнарыннан
Башларың әйләнмәсен.
Алтын-көмеш чылбырларга
Хыяллар бәйләнмәсен.

Ваша оценка: Нет Рейтинг: 8.4 (11 голосов)
« »