Әнкәемә

Әнкәемнең җылы карашларын
Күрми торсам, бик тиз сагынам.
Читлектәге (бишектәге) моңсу кошчыҡ кебек
Канатларым кагып талпынам.

Җылы карашларың сүрелмәсен,
Нурлы йөзең — чәчәк яктысы.
Чәчләреңә берүк чал кунмасын,
Бар булмышың синең — якшылык.

Талпынам да, канатларым җәеп
Туган якларыма ашкынам. 
Кайтып күрсәм, әнкәй, карашларың, 
Арулардан хәтта арынам. 

Җылы карашларың сүрелмәсен,
Нурлы йөзең — чәчәк яктысы.
Чәчләреңә берүк чал кунмасын,
Бар булмышың синең — якшылык.

Сихри бер көч бардыр йөрәгеңдә, 
Ерак аралардан мин тоям. 
Төшләремдә нурлы йөзләреңә 
Карап туялмыйча сокланам. 

Җылы карашларың сүрелмәсен,
Нурлы йөзең — чәчәк яктысы.
Чәчләреңә берүк чал кунмасын,
Бар булмышың синең — якшылык.

Голосов пока нет
Бу җыр репертуарында бар « »