Ак чишмә (икенче вариант)

Ур-чокырдан аккан ак чишмәнең
Чыккан җиркәеңдә кушылсак,
Тубыкланып, амин тоткан кебек
Салкын суын эчәм куш учлап.

Туган җирем, туган җырым
Ак чишмәм син, ак чишмәм.
Дөньямның бар ятларына
Серләремне чишмәм.

Буш чокырдан аккан ак чишмәнең
Аккан гомере күпме елдыр ул?
Күпме еллар, күпме кешеләрне,
Ак күңелле иткән судыр ул?

Туган илем, туган телем
Ак чишмәм син, ак чишмәм.
Чит җаннарны мин үз итеп
Түбәнлеккә төшмәм.

Ур-чокырдан чыккан ак чишмәнең
Шифасыннан тәндә көч арта.
Чит җирләргә китсәм туган җирдән
Су тарта да икән, су тарта!

Туган җирем, туган җырым
Ак чишмәм син, ак чишмәм.
Дөньямның бар ятларына
Серләремне чишмәм.

Голосов пока нет
Бу җыр репертуарында бар « »