Үтмә әле яшь гомерем!

Биек тауның башларына менеп
Баштан кичкәннәрне уйладым.
Үтәсең дә мени яшь гомерем,
Мин бит әле синнән туймадым?

Йомшак кына искән язгы җилләр
Маңгай чәчләремне тарата.
Артта газиз ана бигерәк тә,
Ә сөйгән яр йөзләр саргайта.

Җилгә каршы басып тора алмим
Кибән башкайларын тарата.
Бәхет бит ул дуслар, онытмагыз,
Саф күңеллеләрне ярата.

Карурманга кергән чакта —
Сызгырып кер, кошлар уянсын.
Рәхәт яшәгез сез, туганнарым,
Сокланмаган кеше калмасын!

Ваша оценка: Нет Рейтинг: 10 (1 голос)
Бу җыр репертуарында бар
« »