Рәхмәт сиңа, җыр!

Шат күңелләр сәхрәсендә
Син өстисең нур.
Син — табындаш, юлда — юлдаш,
Рәхмәт сиңа, җыр!

Син бар җирдә гөлләр көлә,
Канат кирә кыр,
Син кайгыларны җуясың,
Рәхмәт сиңа, җыр!

Син кагылсаң, кими төсле
Маңгайдагы сыр,
Син назлы да, шифалы да,
Рәхмәт сиңа, җыр!

Гомер буе каныбызда
Кайный синең нигез,
Син күңелне яшәртәсең,
Рәхмәт сиңа, җыр!

Синең өчен һәр йөрәкнең
Мәхәббәте зур,
Син иптәш тә, көрәштәш тә,
Рәхмәт сиңа, җыр!

Голосов пока нет
« »