Киткән кошлар кире кайтыр ул!

Категория: көе сүзләре

Бу дөнъяның көзләре дә матур…
Киткән коштар, әйдә, китсеннәр,
Үткән гомерең кире кайтмас, диеп,
Баш очымнан, әйдә, үтсеннәр.

Үткән гомер кире кайтмаса да.
Киткән кошлар кире кайтыр ул;
Бу дөнъяның көзләре дә матур,
Син булганга шулай матур ул.

Көзләрнең бит язлары да була,
Китүләрнең була кайтыры.
Яннарымда син каласың әле,
Синең белән дөнъя матур ул.

Үткән гомер кире кайтмаса да.
Киткән кошлар кире кайтыр ул;
Бу дөнъяның көзләре дә матур,
Син булганга шулай матур ул.

Моңсу гына аккан көннәрем дә
Син булганга җырлап ага бит,
Син булганда минем йөрәгем дә
Яшь чактагы сымак кага бит.

Үткән гомер кире кайтмаса да.
Киткән кошлар кире кайтыр ул;
Бу дөнъяның көзләре дә матур,
Син булганга шулай матур ул.

Голосов пока нет
Бу җыр репертуарында бар « »