Мин арыдым сине яратудан

Мин арыдым сине яратудан, 
Буш хыяллар белән җан атудан. 
Үз-үземне алдап юатудан, 
Елар җирдә — көлеп ямь табудан. 

Мин арыдым, мин арыдым 
Сине яратудан — арыдым… 

Мин арыдым сине көтүләрдән, 
Елларымның синсез үтүеннән. 
Бу тормышта тик үземә насыйп 
Бәхет сорап — бәхет үтенүдән. 

Мин арыдым, мин арыдым 
Сине яратудан — арыдым… 

Мин арыдым сине яратудан, 
Сине көтеп һәр көн таң атудан. 
Хисләремне тыеп ялварудан, 
Йөрәк яраларын канатудан. 

Мин арыдым, мин арыдым 
Сине яратудан — арыдым…

Ваша оценка: Нет Рейтинг: 10 (3 голоса)
Бу җыр репертуарында бар
« »