Гомерләр узып бара

Агач башлары шаулыйдыр
Җилдәнме, яңгырданмы?
Әллә елларга сөйлисе
Моңнары авырданмы.

Җилләргә сибелә җырлар,
Яфраклар тузып кала,
Көзге урман өсләреннән
Гомерләр узып бара.

Cыгыла агач башлары
Безнең бәгырьгә тиеп,
Шуларны тыңлыйсың бугай
Агачлар шаулый диеп.

Җилләргә сибелә җырлар,
Яфраклар тузып кала,
Көзге урман өсләреннән
Гомерләр узып бара.

Киткән-озаткан чакларда
Түзәдер кемнең җаны,
И сабыр икән урманнар
Шаулыйлар гына бары.

Җилләргә сибелә җырлар,
Яфраклар тузып кала,
Көзге урман өсләреннән
Гомерләр узып бара.

Голосов пока нет
Бу җыр репертуарында бар « »