Йолдыз нурлары тамды

Таңнарда без кавышканда
Йолдыз нурлары тамды.
Эй, сайрады бер сандугач
Тибрәлдереп яшь талны.

Йолдыз нуры тама икән
Тик бәхет таңнарында.
Йолдыз нуры булып тамам
Мин синең җаннарыңа.

Таңнарда без кавышканда
Йолдыз нурлары тамды.
И ул бәхетле минутлар
Кайларда икән калды?

Йолдыз нуры тама икән
Тик бәхет таңнарында.
Йолдыз нуры булып тамам
Мин синең җаннарыңа.

Таңнарда без кавышканда
Йолдыз нурлары тамды.
Ул чакта бездән көнләшеп
Дөрләп йолдызлар янды.

Йолдыз нуры тама икән
Тик бәхет таңнарында.
Йолдыз нуры булып тамам
Мин синең җаннарыңа.

Голосов пока нет
Бу җыр , репертуарында бар
« »