Сандугачым (икенче вариант)

Сандугачым-сайрар кошым,
Синең моңга зарыкканмын.
Күптән көздә яшәсәм дә
Барлыгыңны онытмадым.

Сандугачым-моңлы кошым,
Син шул инде узгандагы.
Минекедәй шулай тагын
Моңлана соң кемнең җаны?

Сандугачым-син җәй кошы.
Сайрамыйсың син көзләрдә.
Юатырлык моң барында
Кирәк түгелдер сүзләр дә.

Сандугачым-асыл кошым,
Көздән җәйгә ара өзек.
Бәргәләнә ялгыз җаным,
Әл дә яшим инде түзеп.