Эзләгән табылмады

Дәртләндереп, хисләндереп
Иңнәргә кагылмады.
Мин синеке генә диеп
Кочагыма сарылмады.

Син кайда дип аваз салдым
Яңгыратып дөньяны.
Юллар үттем, гомер кичтем,
Эзләгән табылмады.

Яратулы күңелемдә
Йолдыздай кабынмады.
Аны гына яратканны —
Белмәде сагынганны.

Син кайда дип аваз салдым
Яңгыратып дөньяны.
Юллар үттем, гомер кичтем,
Эзләгән табылмады.

Сөеклесе, тиңе итеп
Ул мине танымады.
Җан тилмереп көткән ярым
Хыялда калды бары.

Син кайда дип аваз салдым
Яңгыратып дөньяны.
Юллар үттем, гомер кичтем,
Эзләгәнем табылмады.