Очрашырбыз җырда

Категория: көе сүзләре

Язын килгән кошлар көзен китә,
Кояшлар да чыга баерга…
Кешеләрне язмыш очраштыра,
Язмышларны юллар аера. 
Язмышларны юллар аера. 

Канатларны җилләр кайыргандай, 
Юллар алып китә еракка; 
Кемне илтеп ташлый теге ярга, 
Кемне илтеп бәрә бу якка — 
Юллар алып китә еракка. 

Таулар белән таулар очрашалмый,
Кеше белән кеше очраша… 
Бер-беребезне күреп очрашмасак, 
Очрашырбыз әле җыр аша… 
Очрашырбыз әле җыр аша!

Голосов пока нет
Бу җыр репертуарында бар « »