Хушлашма (икенче вариант)

Чакыр мине, чакыр, бир кулыңны.
Кайларга диеп тә сорама.
Ялгызымны гына калдырсаң,
Югалырмын, юлын таба алмам.

Хушлашма, хушлашма, хушлашма,
Кулларыңны алма кулымнан.
Ялгызымны гына җибәрмә
Бу катлаулы тормыш юлыннан.

Язмышымны сиңа ышандырдым,
Юл күрсәтеп барчы алдымнан.
Офыкларга кереп адашырмын
Җибәрмәче читкә янымнан.

Хушлашма, хушлашма, хушлашма,
Кулларыңны алма кулымнан.
Ялгызымны гына җибәрмә
Бу катлаулы тормыш юлыннан.

Үткәннәрне утка ташлап булмый,
Ташлый алмыйм төпсез коега.
Өзгәләнәм, ялгызыма авыр,
Синсез күңелем бик тиз боега.

Хушлашма, хушлашма, хушлашма,
Кулларыңны алма кулымнан.
Ялгызымны гына җибәрмә
Бу катлаулы тормыш юлыннан.