Агыйделдә берәү керләр чайкый

Категория: көе сүзләре

Агыйделдә берәү керләр чайкый,
Озын толымнарын чылатып.
Сөйгән яры киткән еракларга,
Агыйделкәй сылуын елатып.

Ай нурында гына, әй аппагым,
Нинди серле көйләр көйлисең?
Агыйделнең уйчан камышыдай,
Агымсуга ниләр сөйлисең?

Сөйгән ярың еракларга китсә,
Көтүләре кыен зарыгып.
Ерак киткәннәр дә бер кайталар,
Үткән гомер кайтмый сагынып.

Голосов пока нет
« »