Бисмилла

Иртән торгач мөселманның 
Тәүге сузе-бисмилла. 
Бисмилланы әйтсә генә 
Күңеленә хуш була. 
Бисмилланы кабатласаң 
Савап була, эш уңа. 
Безгә күктән иңдерелгән 
Тылсымлы сүз-бисмилла! 

Кешем, изге догалардан 
Син үзеңә көч юлла. 
Дөньясында иң күркәм сүз- 
Дога башы-бисмилла! 

Бисмилла ул-җан сафлыгы, 
Арттыру юк һич монда. 
Илаһыга якынайткан 
Кодрәтле сүз-бисмилла! 
Бөек Затка-Илаһыма 
Бөтен җиһан буйсына. 
Рәхмәт булып күк катына 
Ирешсәңче, бисмилла! 

Кешем, изге догалардан 
Син үзеңә көч юлла. 
Дөньясында иң күркәм сүз- 
Дога башы-бисмилла! 

Ваша оценка: Нет Рейтинг: 10 (1 голос)
Бу җыр репертуарында бар « »