Кадерем-кадерлем

Авылыма кайтмый торсам, 
Өзгәләнә бәгырем. 
Өзгәләмә, телгәләмә 
Бәгыремне, Кадерем. 

И авылым, Кадерем! 
Югалтмыйк без туган-үскән 
Авылларның кадерен. 

Чит якларда табалмабыз 
Бәхетләрнең әзерен. 
Бәхетем дә, хәсрәтем дә 
Тик синдәдер, Кадерем.

И авылым, Кадерем! 
Югалтмыйк без туган-үскән 
Авылларның кадерен. 

Тик син генә мәхәббәтем, 
Тик син генә кадерлем! 
Мин үзем дә синдә генә, 
Кадерлемен, Кадерем.

И авылым, Кадерем! 
Югалтмыйк без туган-үскән 
Авылларның кадерен. 

Голосов пока нет
Бу җыр репертуарында бар « »