Барыбер

Мин ил гизүче ерак илләрдән,
Күңел нык өшегән шул салкын җилләрдән,
Синең яныңда тукталган идем,
Җаным җылыныр диеп уйлаган идем.

Пр:
Мин барыбер, үземә каратырмын әле сине,
Барыбер, өзелеп яратырсың бер мәлне мине,
Барыбер, бер елмаеп күзләремә карарсың син,
Барыбер үземә булырсың син.

Әйттең син миңа "ашыкма"-диеп,
Өлгердем шул сине мин якын, үз итеп,
Уйлаган идем сөеп-сөелеп,
Гомерлеккә без бергә булырбыз диеп.

Бридж:
Юлларымда мин күп илләр гиздем,
Гүзәлдән — гүзәл күп кызлар күрдем,
Тик синең белән мин бәхеттән очам,
Әгәр янда булсаң.

Ваша оценка: Нет Рейтинг: 10 (1 голос)
Бу җыр репертуарында бар « »