Шатлык хисләре

Кайтып кердем авылга
Язгы кичләрдә.
Күптән күрмәгән идем
Дус-иптәшләрне.

Шашып таша күңелемдә
Шатлык хисләре.
Шомыртлар чәчәк атканнар —
Татлы исләре!

Эх, дусларым, әйдәгез
Тауның башына!
Анда учак ягарга
Күңел ашкына.

Шашып таша күңелемдә
Шатлык хисләре.
Шомыртлар чәчәк атканнар —
Татлы исләре!

Кабатланды шул кичтә
Яшьлек җырлары,
Шашып күңел хисеннән
Йөрәк җырлады.

Авыл кичен дә яратам,
Дуслар, сезне дә.
Җыелсак иде шулай без
Язын гел бергә.

Голосов пока нет
Бу җыр репертуарында бар « »