Матур яшик

Дуслар белән бергә яшик
Бергә яшәү күңелле.
Бу дөньяда безнең гомер
Мизгел генә түгелме?

Чын дуслыкның кадерен белик,
Чит — ятлар дус түгелләр.
Дус — туганны хөрмәт итик,
Нурлы булсын күңелләр.

Җырлап яшик, гөрләп яшик,
Эшләребез уң булсын.
Кунакларга ишек ачык
Өстәлебез мул булсын.

Тормыш матур, дөньялар киң,
Ачык күңелләребез.
Чын барлыкка әйләнсеннәр
Якты өметләребез.

Ваша оценка: Нет Рейтинг: 5.5 (2 голоса)
Бу җыр репертуарында бар « »