Син дә минем кояшым

Сүнсә күктә йолдызың,
Ай-кояшың булырмын.
Сагышлы күңелеңне
Гел юатып торырмын.

Син дә минем кояшым
Гомерем күгендәге.
Мәңге сүнмәс өметем
Йөрәгем түрендәге.

Югалтырга ашыкма
Ярсу хисләрең белән.
Күңелеңнең серләрен
Бары мин генә беләм.

Син дә минем кояшым
Гомерем күгендәге.
Мәңге сүнмәс өметем
Йөрәгем түрендәге.

Син минем сөю гөлем,
Шау чәчәккә төренгән.
Мәңге назлап торырмын,
Чит гөлләргә үрелмәм.

Син дә минем кояшым
Гомерем күгендәге.
Мәңге сүнмәс өметем
Йөрәгем түрендәге.