Юлларым сиңа бара (икенче вариант)

Юлларым ерак, сөеклем,
Юлларым сиңа бара.
Елларым яфрактай коела,
Тик якынаймый ара.
Елларым яфрактай коела,
Юлларым сиңа бара.

Елларым яфрактай коела,
Тик зарланыр юк зарым!
Бик урау-урау булса да,
Сиңа бара юлларым.
Бик урау-урау булса да,
Зарланырга юк зарым.

Димәк, мин әле сөямен,
Шул юлдан киләм икән.
Димәк, мин әле яшимен,
Әгәр дә сөям икән.
Димәк, мин әле яшимен,
Юлымнан киләм икән.

/ 1964 /