Яшьлек кайтавазы

Категория: көе һәм сүзләре

Язгы сулар кебек аккан гомер
Күңелләргә бетмәс моң сала.
Онытылмас яшьлек хатирәсе
Күңелләрдә кабат яңара.

Кушымта:
Язларымда һаман сине уйлыйм,
Көзләремдә сине сагынам.
Гүзәл яшьлек кайтавазы булып
Җырың яңгырый минем җанымда.

Истә әле яшьлекнең гөлләре
Шау чәчәккә күмелгән мәлләр.
Уртак иде безнең уй-хыяллар,
Бергә тибә иде йөрәкләр.

Кушымта:

Үткәннәргә илтер юллар булса,
Кайтыр идем йөгереп яшьлеккә.
Көтмәгәндә янә очрар идең,
Сүнмәс өмет салып күңелгә.

Кушымта:

Ваша оценка: Нет Рейтинг: 10 (1 голос)
« »