Арала бу газаптан

Категория: көе һәм сүзләре

Назлы карашларың беләм,
Зинһар, сөеп карама.
Бара алмыйм яннарыңа —
Упкын бар бит арада.

Нигә элек күрмәдем?
Белмәдем бит белмәдем —
Бу дөньяда син барын
Ягымлы, назлы ярым.

Синең сөю миңа газап,
Үзең дә бит беләсең.
Аерылып китү белән,
Килә сине күрәсем.

Нигә элек күрмәдем?
Белмәдем бит белмәдем —
Бу дөньяда син барын
Ягымлы, назлы ярым.

Кавышырга мөмкин түгел,
Җан әрни ялгызлыктан,
Йә оныттыр, чарасын тап,
Арала бу газаптан.

Нигә элек күрмәдем?
Белмәдем бит белмәдем —
Бу дөньяда син барын
Ягымлы, назлы ярым.

Ваша оценка: Нет Рейтинг: 9.6 (24 голоса)
Бу җыр , , репертуарында бар « »