Күңелле яшьләр

Категория: көе сүзләре

Йомшак кына җылы җилләр исте,
Тибрәндереп матур инешне.
Җыйналыгыз, дуслар, уйнап-көлеп,
Ямьләндерик эшле тормышны.

Илебезне өзелеп сөйгән өчен
Зур төзелешкә көчне бирдек без.
Эшләп арган тәнгә хәл җыярга,
Ял итәргә бире килдек без.

Гөл-чәчәкләр белән кочаклашып,
Иркен сулап таза һаваны,
Уйнап-көлеп, кырда күңел ачып,
Тәнгә җыйыйк көчне яңаны.

Без инештә, шаян балык төсле,
Башыбыз белән суны сөзәбез.
Ә көз җиткәч, биреп бөтен көчне,
Укуда да алда йөзәбез.

Ваша оценка: Нет Рейтинг: 9 (5 голосов)
« »