Язмышымда язлар булып кал

Категория: көе сүзләре

Көтмәгәндә кабындың син җанда,
Көтелмәгән яну бу утлар.
Кышларыма буран булып килдең,
Язларымда ләйсән булып кал.

Бураннарда кабатланмас моңым,
Моңга тулган ап-ак болытлар.
Кышларыма ак моң булып килдең,
Язларымда хыял булып кал.

Күңелемә якты хисләр сиптең,
Бу җаныма сүнмәс өмет сал.
Тормышыма син кыш булып кердең,
Язмышымда язлар булып кал.

Ваша оценка: Нет Рейтинг: 8.3 (3 голоса)
« »