Болгарымда болганган,
Суварында сызланган.
Сараенда саргайган —
Синдер, татар кешесе.
Себергә себерелгән,
Чиләбедә чиләнгән,
Ырынбурда орылган —
Синдер, татар кешесе.
Казахтагы кымызлар
Синең канны кыздырткан:
Кытайдагы кытлыклар
Качакларың кырдырткан.
Өргәнечтә өркегән,
Уралында уралган,
Касыймында кысылган
Татар кешесе, татар кешесе.
Иcтамбулда ысланып,
Үзбәкләрдә үзгәреп,
Кырымнарда кырылып
Беттең, татар кешесе.
Французга яу чаптың,
Германга да яу чаптың.
Ул илләрдә ни таптың —
Яугир татар кешесе.
Бу җыр Рамил Миндияр, Хәйдәр Бигичев репертуарында бар
«
»