Ромашкалар

Ромашкалар тирбәлә җирдә,
Бер күмелеп, тагын күренеп.
Йөгерә-йөгерә шаян нәниләр
Кырда качыш уйнаган кебек.

Ромашкалар үскән далада
Искә төште бергә чакларым.
Сөя микән, юк микән, диеп,
Канатларын йолкам аларның.

Юк, ромашка, минем йөрәкнең
Януларын баса алмыйсың.
Сөя әле сине, сагына, диеп,
Алдыйсың ич мине, алдыйсың.

Юк, ышанмыйм ромашкаларга,
Алдаша ич алар, алдаша.
Аның кабере өстендә инде
Резедалар үсә ләбаса.

Ваша оценка: Нет Рейтинг: 9.5 (20 голосов)
« »